काठमाडौं-च्यासल रंगशालामा एएनएफए राष्ट्रिय लिग २०८२ अन्तर्गत आज सम्पन्न खेलमा नेपाल एपीएफ क्लबले चर्च ब्वाइज युनाइटेडलाई ४–१ गोलले पराजित गर्दै शानदार जित दर्ता गरेको छ।
खेलको २२औँ मिनेटमा एपीएफका समिर ठोकरले गोल गर्दै टोलीलाई अग्रता दिलाए। त्यसपछि ३८औँ मिनेटमा प्रदीप लामाले गोल थप्दै पहिलो हाफमा एपीएफको पकड मजबुत बनाए।
दोस्रो हाफमा पनि एपीएफ क्लबको आक्रमण रोकिएन। युवराज खड्काले ६०औँ र ७७औँ मिनेटमा लगातार दुई गोल गर्दै व्यक्तिगत दुई गोल पूरा गरे।
चर्च ब्वाइज युनाइटेडका तर्फबाट मिलन राईले ८२औँ मिनेटमा सान्त्वना गोल गरे पनि टोलीलाई हारबाट जोगाउन भने सकेनन्।
यस जितसँगै नेपाल एपीएफ क्लबले लिग तालिकामा महत्वपूर्ण तीन अंक जोड्दै आफ्नो दाबेदारी अझ बलियो बनाएको छ।
८ माघ २०८२, बिहिबार ०१:५७ मा प्रकाशित
