ललितपुर-च्यासल रंगशालामा जारी एएनएफए राष्ट्रिय लिग २०८२ अन्तर्गत आज भएको खेलमा संकट्टा एफसी र फ्रेन्ड्स क्लबले गोलरहित बराबरी खेलेका छन्।
दुवै टोलीले खेलभर सशक्त र अनुशासित डिफेन्स प्रस्तुत गर्दै उच्च प्रतिस्पर्धात्मक खेल प्रदर्शन गरे। मिडफिल्डमा कडा प्रतिस्पर्धा देखिए पनि आक्रमणलाई निर्णायक गोलमा परिणत गर्न भने दुवै टोली असफल रहे।
खेलको विभिन्न समयमा दुबै पक्षले केही राम्रा अवसर सिर्जना गरे पनि फिनिसिङ कमजोर हुँदा गोल हुन सकेन। अन्ततः खेल ०–० को बराबरीमा सकिँदा दुवै टोलीले अंक बाँडेका छन्।
यस बराबरीसँगै लिगको प्रतिस्पर्धा थप रोचक बन्दै गएको छ।
८ माघ २०८२, बिहिबार १०:०२ मा प्रकाशित
